الديب و الفار
كان ياماكان يا سعد يا إكرام ما يحلى الكلام إلا بذكر النبي عليه الصلاة والسلام
كان في غابة بيحكمها الديب (شوفوا انتوا العدل السايد فيها بقى لما يحكمها الديب) في الغابة كان في فار, الفار ده كان الأول على مدرسته و دخل كلية الهندسة نجح أول سنة بتفوق و جت تاني سنة و عدت بس في الاجازة الفار حب يروح رحلة عالبحر مع فران صحابة بس فران إخوان (جماعة فران محظورة بأمر الديب) و ميليشيات الديب قبضت عليهم بتهمة محاولة الاستيلاء على أملاك الديب
مع إن الفران كانوا في رحلة عادي يعني معملوش حاجة هيستولوا عالبحر يعني
!!!!!
و لحد دلوقتي الفار المحبوس, محبوس ومحدش عارف عنه حاجة
الفران صحابه بقى اللي كانوا معاه في المدرسة صعبان عليهم صاحبهم وهو حاله كده وهما مش عارفين يعملوا حاجة ليه
حاسسين بالعجز
امتى بقى الفران تكبر وتحكم نفسها بنفسها او حتى يجيبوا أسد عادل يحكمهم
ولا عشان هي غابة هنمشي فيها بقانون الغابة!!!1
سؤال يطرح نفسه
ادعوا بقى للفار المحبوس ربنا معاه ويفك كربه
3 comments:
طب سؤال ... فيه حد يعرف إني بكتب معاكي في المدونة ....ربنا يسترها
والله يا نيو ... هم الفيران كتير للأسف ...وكمان كان فيه فار في كلية طب ... بس الحمد لله طلع
وعقبال فيران هندسة
لكن مهما حصل هقول برضه :
بلادي وإن جارت علي عزيزة ***إخواني وإن ضنوا علي كرام
ده مش فار
ده شبل وان شاء الله حيكبر ويبقى اسد و ينتقم من الديب ويطرده برة و ينتهى عهد الطغيان
السلام عليكم
متقلقيش، الأسد جاى قريب إن شاء الله :) بس لحد ما ييجى ربنا يصبر الفار، و يسترها معاكى
Post a Comment