Odesk

The On Demand Global Workforce - oDesk

Friday, September 26, 2008

ما هي المراهقة

ما هي المراهقة؟
ماهو تعريفك للمراهقة؟


اقتباس:

مفهوم المراهقة: ترجع كلمة "المراهقة" إلى الفعل العربي "راهق" الذي يعني الاقتراب من الشيء، فراهق الغلام فهو مراهق، أي: قارب الاحتلام، ورهقت الشيء رهقاً، أي: قربت منه. والمعنى هنا يشير إلى الاقتراب من النضج والرشد.أما المراهقة في علم النفس فتعني: "الاقتراب من النضج الجسمي والعقلي والنفسي والاجتماعي"، ولكنه ليس النضج نفسه؛ لأن الفرد في هذه المرحلة يبدأ بالنضج العقلي والجسمي والنفسي والاجتماعي، ولكنه لا يصل إلى اكتمال النضج إلا بعد سنوات عديدة قد تصل إلى 10 سنوات.وهناك فرق بين المراهقة والبلوغ، فالبلوغ يعني "بلوغ المراهق القدرة على الإنسال، أي: اكتمال الوظائف الجنسية عنده، وذلك بنمو الغدد الجنسية، وقدرتها على أداء وظيفتها"، أما المراهقة فتشير إلى "التدرج نحو النضج الجسمي والعقلي والنفسي والاجتماعي". وعلى ذلك فالبلوغ ما هو إلا جانب واحد من جوانب المراهقة، كما أنه من الناحية الزمنية يسبقها، فهو أول دلائل دخول الطفل مرحلة المراهقة. ويشير ذلك إلى حقيقة مهمة، وهي أن النمو لا ينتقل من مرحلة إلى أخرى فجأة، ولكنه تدريجي ومستمر ومتصل، فالمراهق لا يترك عالم الطفولة ويصبح مراهقاً بين عشية وضحاها، ولكنه ينتقل انتقالاً تدريجياً، ويتخذ هذا الانتقال شكل نمو وتغير في جسمه وعقله ووجدانه. وجدير بالذكر أن وصول الفرد إلى النضج الجنسي لا يعني بالضرورة أنه قد وصل إلى النضج العقلي، وإنما عليه أن يتعلم الكثير والكثير ليصبح راشداً ناضجاً.و للمراهقة والمراهق نموه المتفجر في عقله وفكره وجسمه وإدراكه وانفعالاته، مما يمكن أن نلخصه بأنه نوع من النمو البركاني، حيث ينمو الجسم من الداخل فسيولوجياً وهرمونياً وكيماوياً وذهنياً وانفعالياً، ومن الخارج والداخل معاً عضوياً.
عندي انا مش عارفة هل هي تخبط في المشاعر والتصرفات؟ ولا عدم نضج؟ ولا نضج بركاني زي ما المقال بيقول؟
هل مرحلة المراهقة هي المرحلة اللي بيحاول المراهق فيها انه يثبت وجوده ونفسه؟
اللي يصرخ فيها وبيقول انا كبير؟
طيب ليه تعريف المراهقة عند معظم الناس هي التخبط في المشاعر وتعدد العلاقات العاطفية؟
حتى ان لو في حد كبير عمل كده يقولوا ده مراهق كبير ....
في ناس بتعتبر كلمة مراهق دي شتيمة معناها حاجة مش كويسة او انسان متخبط مثلا... طيب ليه؟
وهل كل المراهقين لازم يعدوا بمرحلة التخبط في العلاقات العاطفية واللي معداش بالمرحلة دي ميبقاش عدى على مرحلة المراهقة؟
ايه ده كلام كبير اوي.... ماهي فذلكة بقى
في ولاد وبنات بتوجعهم اوي كلمة انت(ي) مراهق(ة) مش عارفة ليه؟
اصل المرحلة دي انا شايفه فعلا انها مرحلة تأرجح في المشاعر وتريقة التفكير والتصرفات مش لازم عاطفيا بس لأ واجتماعيا كمان شخصيتنا بتتغير يا للاحسن يا للاوحش في المرحلة دي بتلاقي فيها الناس اللي مطنشه الدنيا عشان مش ناقصة وجع دماغ والناس الثورية جدا بيحللوا الامور بمشاعرهم مش بعقلهم زي عايزين نحارب نحارب ونقوم نقطع الدنيا ومش بيحسبوا عواقب الاموروتلاقي اللي بقى انطوائي واللي بقى اجتماعي هي مش مرحلة هوجائية بس دي من اهم مراحل العمر المرحلة اللي بتتكون فيها الشخصية للبني آدم
تقريب تعريف المراهقة عند معظم الناس هو الشاب او البنت الطايشة اللي مشاعرهم مش مستقرة وكل يوم بيحبوا حد عشان كده الناس بتنزعج اوي من الكلمة دي وبيعتبروها شتيمة
ولما حد يشوف حد في سن المراهقة ولسه معداش بتجربة حب يستغرب اوي ويحسسه انه جاي من المريخ
مش لازم كل الناس تعدي بمرحلة المراهقة بنفس الطريقة في حاجة اسمها اختلافات بين البشر
هي مرحلة بتكون التصرفات والافكار فيها متقلبة فعلا عشان الانسان يقدر يختار منهج ونمط يكمل عليه حياته فبيبقى متلخبط واحيانا متخبط شوية بس مش لازم كل الناس عاطفيا ممكن يتخبط في مرحلةمن حياته دون الاخرى
الناس بيظلموا المراهقين لما بيحسسوهم انهم قنابل موقوته في المجتمع يجب الحذر منها ومراقبتهم عشان ميغلطوش مش فاهمين إن اللي عايز يغلط هيغلط حتى لو اتراقب مراقبة لصيقة
مش بس الشباب اللي بيحب كل يوم شخص هو المراهق
لأ الشخص اللي بيتخبط في افكارة ويتحول لأرهابي مراهق
والشخص اللي عارف هدفه مراهق
والشخص اللي لسه بيحدد هدفه مراهق
يعني اقصد ان المراهق ده مش لازم يكون انسان متخبط في حياته كلها ممكن يتخبط في مجال معين بس مش سطمبة واحدة وحياة واحده كل المراهقين بيعدوا بيها
يعني احنا بنفقد اصحاب كتير ليه؟
عشان لسه مش مستقرين نفسيا
بنزعل اوي من حاجات اهلنا بيضحكوا عليها واحنا نفسنا لما بنكبر بنضحك على نفسنا ليه؟
عشان مفيش خبرة
ممكن نسمي مرحلة المراهقة دي مرحلة اكتساب الخبرة

Wednesday, September 17, 2008

يلا نحــــــــــب بعد بجد

يلا نــــــــحـــــــــب بعض بجد









ياااااااااااااااه يعني انا بقالي فترة طويلة مريحاكم من شخابيطى ويوم مارجع اشخبط تاني اقول كلام كبير كده؟




اه عادي وفيها ايه؟




فيها ايه ازاي؟ اصله حتى عنوان غريب يعني ايه يلا نحب بعض بجد؟ يعني احنا كنا بنهزر قبل كده يعني؟




تصدقي اه تقريبا كنا بنهزر




طيب كفاية خناق دلوقتي عشان الناس بتتفرج علينا




احممممممم




رجعتلكم يا جماعة




المهم نبدأ بقى




يلا نحب بعض بجد اسم جه على بالي قلت لازم اكتب عنه




هو صراحة مش مجرد اسم ده شعار




شعار لحالة عشتها سنة كاملة حابه الخصلكم فيها اللي اتعلمته فيها هنا في الموضوع ده




السنة دي عديت بتجارب كتير اوي




خسرت ناس كانوا الاقرب ليا




وكسب ناس كانوا الابعد عني




حياتي اتغيرت فيها كتير




وتفكيري اتغير اكتر




بقيت بشوف الدنيا بمنظور تاني




مش عارفة شكلي ابتديت اكبر ولا ايه!!!! هنشوف




في السنة دي اكتشفت ان الناس بتهزر في حبها لبعض




هنا مش هتكلم عن حب اتنين عايزين يتجوزوا هتكلم عن حب الاصدقاء لبعض




حب الاهل لبعض




حب الزملاء لبعض




حب العبد لربه حتى




ليه منحبش بجد؟




ليه منعملش الحاجة عشان احنا عايزين نعملها مش مجبرين؟




الواحد لما بيعمل حاجة هو مجبر عليها سواء بسبب الظروف او عشان ده واجب تقيل عليه او عشان الناس متلوموش مبتطلعش حلوة




اكنه بيرمي اللي عمله في وش اللي قدامه




وعلى فكرة بيبان وبيتعرف انها معمولة بالغصب والاجبار




ليه منحبش بعض بجد؟




ليه بنمثل اننا بنحب بعض؟




هو الحب صعب اوي كده؟




لو حبينا بعض بجد هنضحي عشان نرضي بعض واحنا مليانين رضا اننا بنضحي




هنضحي واحنا سعداء اننا بنضحي




هنضحي عشان بعض مش واحد بس يضحي والتاني ياخد وبس




هنحاسب على تصرفاتنا عشان بنحب بعض




واللي بيحب مبيجرحش اللي بيحبه




يعني لو انا حابه ديني ومقتنعه بيه هنفذ تعاليمة مهما كانت صعبة وانا راضية مش هنفذها عشان انا مجبرة




انا محجبة عشان انا عايزة ابقى محجبة مش عشان ديني اجبرني اني اتحجب




الدين مبيجبرش حد




الدين مش عصاية هتضرب اللي مش هيسمع الكلام




الدين نزل عشان ينظم حياتنا




لو بنحب ربنا زي مابيحبنا هنحب نرضيه وهنثق ان كل كلمة ربنا قالها عشان مصلحتنا وهنفذها واحنا راضين




لو بنحب اهلنا هنسمع كلامهم ونثق فيهم ومش هنعتبرهم هم في حياتنا ولا بيجبرونا ولا بيخنقونا على حاجة




لو بنحب اصحابنا هنفكر في تصرفاتنا لتجرحهم




لو بنحب نفسنا هنسامح اللي يظلمنا عشان لما العبد بيسامح العبد اللي زيه ربنا بيكون اكرم منه وبيسامحه هو كمان




لو بنحب حد هنقوم بالواجب اللي علينا تجاهه واحنا في اصعب ظروفنا عشان احنا عايزين نقوم بالواجب مش عشان هو واجب علينا




مش هنختلق الظروف والمبررات عشان نهرب من واجباتنا تجاه اللي بنحبهم




لو بنحترم نفسنا هنساعد غيرنا حتى لو اساؤوا لينا عشان احنا لو معملناش كده مش هنحترم نفسنا قدام نفسنا مش عشان احنا مجبرين نساعد حد ل مش مجبرين بس حابين




لو شلنا كلمة انا مجبر لانا حابب هتتغير حياتنا كتير




هنخاف على بعض ونسعد بعض




ولو حد زعل التاني مش هيستحمل زعله لحظة وهيجري يصالحة دون النظر للكرامة والكبرياء والعند




العند اللي بيتحول لغباء احيانا




ياااااااااااااااااااه لو حبينا بعض بجد حياتنا هتتغير كتيــــــــــــــــــــــــــــــــــر للأفضل طبعا




وانتوا ايه رأيكم؟