Odesk

The On Demand Global Workforce - oDesk

Sunday, July 29, 2007

حفل تخرج رغما عن أنوف اليهود


السلام عليكم

قبل أن أكتب هذا البوست

كنتت أستمع لحفل تخرج من جامعة عظيمة وهي الجامعة الاسلامية بغزة بفلشسطين الحبيبة

رغم الحديد والنار ورغم أنوف اليهود والأمريكان أقيمت حفلات التخرج ومازالت مستمرة

والأولي علي الجامعات هناك طالبة مجتهدة

وقد قالت مقالة رائعة


نسأل الله أن يبارك فيهم

وأن ينفع بهم

وأن يزيدهم علما

شباب الغد المأمول إن بلادكم .....تناشدكم بالله أن تتحرروا

فكونوا رجالا وصونا ......حمي أوطانكم تتحرروا

لا تنسونا من صالح الدعاء

ولا تنسوهم من صالح الدعاء وأنتم في ليلة قيام إلي الله

Sunday, July 22, 2007

نفسك تدخل ايه ؟؟؟؟؟؟؟

ظهرت نتيجة الثانوية العامة
وفتح باب التقديم للكليات
وعادت الأعصاب تشد من جديد
انا هدخل كلية إيه ؟؟؟؟؟؟
ولا نقول سؤال واقعي شوية .........بابا عايزني أدخل كلية إيه ؟؟؟سواء انا عايزها أم لا
شوية أسئلة للي هيدخل كلية جديد
وأسئلة للي دخلها خلاص ووقعت الفاس في الراس زي ما بيقولوا
للي هيدخل كلية ....هل هذه الكلية انت تتمناها وتتمني أن تدخلها منذ الصغر ؟؟؟؟؟
انت عايز تدخلها ليه ؟؟؟؟نفسك تعمل ايه ؟؟؟؟؟؟
طب لو مش دخلت الكلية اللي انت عايزها .....هتعمل ايه ؟؟؟؟؟؟؟
نيجي للي دخلوا الكلية وخلاص ؟؟؟؟؟؟
لو رجع بيك الزمان هل ممكن تقرر إنك تغير الكلية اللي انت فيها ؟؟؟؟؟بتوع طب عارفين طويس ...صح
هي دي الكلية اللي انت كنت عايز تدخلها
طب هل حد غصب عليك غنك تدخلها ...ولا هو مجموعك اللي قرر مش انت اللي قررت
طب بجد نفسك تدخل كلية ايه غير كليتك ؟؟؟؟
وقفة مع النفس

Saturday, July 7, 2007

الديب و الفار


الديب و الفار




كان ياماكان يا سعد يا إكرام ما يحلى الكلام إلا بذكر النبي عليه الصلاة والسلام



كان في غابة بيحكمها الديب (شوفوا انتوا العدل السايد فيها بقى لما يحكمها الديب) في الغابة كان في فار, الفار ده كان الأول على مدرسته و دخل كلية الهندسة نجح أول سنة بتفوق و جت تاني سنة و عدت بس في الاجازة الفار حب يروح رحلة عالبحر مع فران صحابة بس فران إخوان (جماعة فران محظورة بأمر الديب) و ميليشيات الديب قبضت عليهم بتهمة محاولة الاستيلاء على أملاك الديب



مع إن الفران كانوا في رحلة عادي يعني معملوش حاجة هيستولوا عالبحر يعني

!!!!!


و لحد دلوقتي الفار المحبوس, محبوس ومحدش عارف عنه حاجة



الفران صحابه بقى اللي كانوا معاه في المدرسة صعبان عليهم صاحبهم وهو حاله كده وهما مش عارفين يعملوا حاجة ليه



حاسسين بالعجز



امتى بقى الفران تكبر وتحكم نفسها بنفسها او حتى يجيبوا أسد عادل يحكمهم



ولا عشان هي غابة هنمشي فيها بقانون الغابة!!!1



سؤال يطرح نفسه



ادعوا بقى للفار المحبوس ربنا معاه ويفك كربه

Tuesday, July 3, 2007

إني أغرق



السلام عليكم


أحبتي في الله


لا أعلم من أين أبدأ لكني سأبدأ ، لأنه لا مفر من البدء إلا إلي البدء


عندما يشعر الإنسان أنه يفقد نفسه ويفقد من حوله


بل ويفقد أعز ما يمبك الإنسان


تجد الإنسان يهيم علي وجهه لا يدري ماذا يفعل


أو لا يفكر في عواقب فعله


تجد الإنسان عاجزا عن التفكير ، وتجده قد يستسلم لأي شئ


لا أدري ما أقول فالكلمات نفسها لا تستطيع ان تعبر عما بداخلي


لكن هناك حل وحيد لكل هذا


إذا ضاقت بك الأحوال يوما .........فإلي الله الملجأ


رباااااااااااااااااااااااه


كيف أدعوك وانا اعصاك


وكيف لا أدعوك وانت كريم


رباه لا تعذبني فإني مقر بالذي قد كان مني


رباه يسر لي أمري


ألجأ إليك فهل تردني من علي باب رحمتك


حاشاك ربي ترفض تائبا حاشاك


دعواتكم معانا يا جماعة


آسف يا نيو إني كتبت موضوعي بعدك علي طوووول


وشكرا علي تعبك معاي


رحلة إلي السفارة الفلسطينية مع صديقة

رحلة إلي السفارة الفلسطينية مع صديقة






بدأت رحلتى بإتصال من صديقتي الفلسطينية المقيمة بالقاهرة (اصلا كانت في العريش منتظرة المعبر يفتح بس أنا فوجئت بيها بتتصل بيا من القاهرة) المهم.......







السلام عليكم ازيك يا نيو ايه اخبارك إلخ.....






الحمد لله ازيك يا ايمي (طبعا ده مش اسمها بس وانتوا مالكوا اسمها الحقيقي ايه) ايه يا بنتي اللي رجعك؟






أصلي زهقت و المعبر مش هيفتح بس سمعت انه ممكن يفتح بكرة بجهود الصليب الاحمر ولازم اروح السفارة اسجل الجواز (البابور يعني) تيجي معايا؟






ماشي بس اتصل بدادي اقوله و هتصل بيكي






ماشي سلام






سلام






و اتصلت بدادي و قلتله قالي ماشي






اوك والبنت عدت عليا و رحنا بالمترو لحد الدقي


و من هناك قلنا ناخد تاكي لحد السفارة


لحد كده مفيش مشاكل و الأمور ماشية طبيعي


(كملي يا نيو من غير لماضة اخلصي عايزة تقولي ايه؟)


كل مانوقف تاكسي (شارع الروضة لو سمحت عند سفارة فلسطين؟) نلاقي الناس بيبصولنا بإستغراب كده و يقولوا لأ


كنا متأخرين كانت السفارة هتقفل على 3:30 واحنا كنا هناك 2:45 فقررنا نسأل عسكري المرور و نمشي و نسيبنا من التكسيات بدل ما يتقمروا علينا


المهم انا سألتها هي السفارة محدش يعرفها فعلا و لا الناس بتستعبط؟


لأ استني لما تشوفيها وانتي هتعرفي هي ليه محدش يعرفها


المهم وصلنا 33 شارع الروضة/الدقي عند السفارة اللي ظهرت كده فجأة بدون سابق انذار يعني ولا عساكر واقفين ولا شوارع متقفلة (زي السفارة الامريكية و البريطانية يعني, مش سفارة بقى؟) لقينا مبني من 4 ادوار و واقف عنده حارس يتيم هو عسكري واحد واذا كان عاجبكم و الباب مكتوب علية يافطة صغيرة كده مش عارفة وجم على نفسهم كده ليه!!!! سفارة دولة فلسطين و كام علم كده صغيرين جنبها


انا قلتلها ومالهم مخبينها كده ليه خايفين عليها من الحسد؟!!!!!! و لسه هروح عشان ادخل من الباب


لقيتها بتقولي لأ من هنا


هنا ده بقى طلع مكان كده صغير زي استقبال كده تنزلة بسلمتين تحس انك داخل بدروم او محل تصوير صغير جنب المدرسة


مش هندق ماشي دخلنا


اول مادخلنا الدنيا كانت زحمة طبعا ماهي كل الناس رايحة تسجل الجواز بقى


لقينا جوز اختها هناك و معاه اولاد الشهيد المهم ازيكوا يا جماعة عاملين ايه؟ الحمد لله كويسين


ها سجلتوا ولا لأ


لأ لسه


طبعا ايمي مش هتستنى في الزحمة قالت انا عايزة الاستاذ فلان (واسطة بقى وكوسة وكده انتوا عارفين) جه الاستاذ فلان و خد الجواز وفي ثواني كان متسجل


طلبت انها تدخل تكلم الملحق الثقافي


ماشي ميضرش ندخل نشوف


دخلت معاها جوة بقى مكان واااااااااااااااسع و حلو و مكيف و حياة زي الفل


المهم دخلنا للراجل و سألنا عالمعبر هيفتح ولا لأ قال لأ متفكروش في معبر رفح بس اللي ممكن يفتح معبر كريم شالوم أو كرم أبو سالم بتاع اليهود بس مش مؤكد بكرة بس لو ليكوا اقارب في العريش اقعدوا عندهم لحد ما يفتح وسافروا طبعا الكل كان فاكرني فلسطينية مش مشكلة كلنا عرب مش هندق


المهم طلعنا من عند الراجل و رحنا للزحمة تاني كان جوز اخت ايمي خلص هو وولاد الشهيد و طلعنا قالوا هيوصلونا بالعربية لحد العباسية عشان نروح من هناك


و قبل مانطلع وقفنا معاهم في الشارع شوية و طبعا انا حسيت اني في غزة كل اللي هناك فلسطينين معادا أنا


أنا الدخيلة الوحيدة هناك


و بعدين افتكرت اننا قدام سفارتهم يعني ده طبيعي


و احنا في العربية قعدنا بقى نتكلم و حكولنا على حاجات مش لازم تعرفوها


المهم وصلنا العباسية عملنا كام مشوار وبعدين روحنا و انا يادوب اتغديت وصليت وقعدت اكتب البلوج ده


بس الغريب بقى اني وانا بفتح الكمبيوتر لقيت ورقة وقلم قدامي قلت اشخبط


و انا بشخبط لقيت نفسي بكتب كلمة "تحيا" وبعدين القلم وقف


تحيا ايه؟ ايه اللي انا بكتبه ده؟


و بعدين لقيت نفسي بكتب "تحيا تريح الدماغ" تصدقوني لحد دلوقتي مش عارفة انا كتبت الكلمة دي ليه؟ مع اني طول عمري مش بعرف اريح دماغي!!!!!!!!!


يلا سلام بقى اشوفكم على خير في شخبطة تاني ان شاء الله