حسيت في مرة انك ملاّن من نفسك؟
لدرجة انك عايز تصرخ وتملى العالم صريخ
عايز تطلع من السجن اللي انت حابس نفسك فيه من غير داعي
جوا كل واحد فينا قيود هو حطها لنفسه من غير داعي
يعني لا شرع ولا دين قال ان ده وده وده ممنوع طيب احنى بنمنع على نفسنا اللي ربنا حرمة ليه؟
الاصل في التشريع الحلال ما لم يحرمه الله
ليه كل مانيجي نعمل حاجة نسأل الاول هل هي حلال؟
هو المفروض انها تبقى حرام يعني والا اذا حللها الله؟
المفروض نتحرى الحرام عشان منعملوش مش نتحرى الحلال عشان نعمله!!!!!
حاسة ان الناس كلها بقت عاملة زي بنى اسرائيل لما ربنا أمرهم يذبحوا البقرة
عارفين قصة بقرة بنى اسرائيل فضلوا يستفسروا لحد ما ربنا حددلهم بقرة بعينها واحدة بس بدل ما كان موسعها عليهم في الأول
حاسة ان الشيخ اللي بيعجب الناس والناس تجري وراه هو اكتر واحد بيحرم
وعلى النقيد تلاقي ناس تانية من كتر ما زهقت من عيشتها اللي كلها حرام تجري ورا اكتر واحد يحلل الحرام
وتطلع الفتاوي اللي تموت من الضحك
اللي يقول ان شرب الشجاير مبيفطرش
اللي يقول لبان السمارة مبيفطرش
اللي يقول البوس مش حرام
شوفوا وصلت لإيه؟
مبقاش في وسطية اللي اصلا الاسلام أمرنا بيها
الناس بقت ماشية في ال extremes
No comments:
Post a Comment