الموت علينا حق
ايه ده ايه الكلام الكبير ده!!!!
آه بجد صدقوني الموت علينا حق
الموت هو الحاجة الوحيدة الحقيقية في حياتنا
الناس ممكن تزور الحقائق, الطيبة زوروها, والحقيقة محدش بقى عارف هي فين؟! ناقص يذوروا الناس كمان
بس محدش بيقدر يزور الموت
إحنا اللي بنخترع الألم
طيب ليه هو احنا منقدرش نعيش من غيره
ولا هو اللي ميقدرش يعيش من غيرنا؟
ليه الناس مبتحسش ببعض زي مابتحس بنفسها؟
ليه مبيحبوش بعض؟
ليه بيحاربوا بعض؟
ليه ولائهم لنفسهم اكتر من ولائهم لدينهم؟
ليه بيكرهوا و بحقدوا على بعض؟
ليه مبيقفوش جنب بعض لما بيحتاجوا بعض؟
ليه بيتخلوا عن بعض؟
ليه مبيعذروش بعض؟
ليه مابيسامحوش بعض؟
ليه كل واحد مابيحاسبش نفسه قبل مايحاسب غيره؟
ليه بنحب نإلم بعض؟
بنحب الألم يعني؟
طيب ليه؟
ليه الطيبة الناس بتعتبرها هبل؟
ليه الصح بقى غلط والغلط بقى صح؟
و خدوا عندكوا آلاف الاسئلة اللي زي دي
وما من اجابات وما من مجيب
6 comments:
كلام مؤثر جدا يا نيو
طب ايه اللي يستاهل كل ده
ليه نعمل في بعض كده
هو احنا مش مسلمين
ليه كل واحد بيقول نفسي ومن بعدها الطوفان
ليه كل واحد مش بيبحب لأخيه كما يحبب لنفسه
كل ده بسبب ابتعادنا عن القرآن والسنة
شكرا عالبوست ده
لييييييييييييييه؟
ده احسن سؤال ممكن تأله لنفسك طول الوقت و مش هتلاقيله اجابه!!!!!!!!!
كلامك صح أوى يا نيو
لو كل واحد افتكر إنه كده كده ميت.. حيبطل يفكر في نفسه و في مصلحته بس و كله حيعرف إن في حاجات أسمى يعيش لها.. و حنبطل نخاف و نقلق من حاجات كتير ما هو الموت جاي جاي مفيش حاجة حتقدمه ولا تأخره
ليه .. ليه .. ليه
ببساطة علشان الدنيا كدا
لو كل شئ اصبح جميل وهادي .. مكانتش هتبقى دنيا ومكناش هنبقى بشر
تحياتي
:)
اه على رأيك شكرا عبير و نورتي المدونة :D
كفى بالموت واعظا
Post a Comment